تحكي قصة لص لم يتخلى عن انسانيته

قصة إذاي تعرف إنك في زحام من النعاقرأ القصة دي 

موقف غريب حصلى النهاردة وانا راكب القطار واحد قاعد فى وشى و معاه ابنه صغير كده عنده Cancer... ف ببص عليه لاقيته قاعد زعلان كده و شكله كان تعبان و مهموم اوي

.ف لاقيت ابوه عمال يهزر معاه و يقوله اضحك و بيحاول يضحكه و هو بيضحك كده (ضحكة هم)..فجأة لقيته بيقوله و هو تعبان كده ب الحرف (بابا هو انا ربنا هياخدني امتي انا تعبت من الحقن اوي) انا ف اللحظه دي حسيت ان جسمي اتشل كده بأمانه صدمني..ف باباه قاله لا يا حبيبي انت هتفضل معانا و مع حنان اختك اللي بتحبها

و هي عينه مدمعه كده..ف انا قاعد سامعهم ف بصتله و قولتله انت جميل اوي و كمان أمور ف ضحك كده و قالي بس شعري وقع و مبقتش أمور زي الاول

.و هو عنيه مدمعه كده ف جيت امسك ايده حقيقي ايده مش باينه من الزرقان بتاع الحقن...قمت  وطيت علي ايده و بوستها ف هو بص لباباه كده و هو فرحان اللي هو مستغرب اول ما بوست ايده ضحكلي كده...بعدها فضلت اهزر معاه وضحكته و انا نازل لاقيته بيقولي ادعيلي اكون حلو و شعري يطول من تاني قولتله مش انا بس اللي هدعيلك انا 

هخلي الناس كلها تدعيلك علشان تفضل جميل و تبقي معانا..نزلت من القطار وانا حرفياً منهار عياط و ساعتها حسيت ان ربنا فعلاً مدينا نعمه كبيييييره اوي و هي الصحه حتي لو صحتك مش كويسه اوي بردو اشكر ربنا لان في ناس بتتمني تعيش بس علشان اهلها هيوحشوهم لما يموتوا 

احنا معندناش مشاكل ف حياتنا 

احنا معندناش هموم 

احنا ف نعمة نعمة كبيره و مش حاسين بيها 

في ناس بتتمني بس تعيش..بتتمني متخدش علاج 

ادعوله  انه يعيش علشان اخته بتوحشه و هو مسافر علشان علاجه بعيد عن اهله💔

انا  وعدته اني هخلي الناس كلها تدعيله علشان يخف 👏

ادعوا لمرضي السرطان

ربنا يشفيهم ويشفي كل مريض يتألم يارب🙏