قصة هذا الطفل من شبرا الخيمة أنقذ القطار
فى زمن الستينات قبل التريندات وأغانى المهرجانات !!
أطفال المرحلة الإبتدائية كانوا بيدرسوا فى كتاب المطالعة قصة مجدى الذى أنقذ القطار
مجدى فرحات 10 سنوات طالب بالصف الخامس
فى مدرسة بلال الإبتدائية بميت نما فى شبرا الخيمة..
خرج مجدى يشترى خميرة لوالدته ،
فأنقذ 1000 راكب على حافة الموت أو الإصابة.
أثناء مشيه بالقرب من مزلقان "ميت نما " شاف
قضيب سكة حديد مكسور ، والكسر كفيل بقلب قطر بالكامل.
القطر المجرى " القاهرة إسكندرية " دقايق ويوصل
لمكان الكسر ... ده اللى خطر على بال الطفل مجدى.
فقام بقلع البلوفر ، وبعد مسافة بعيدة عن الكسر .
شاور بالبلوفر للسواق فى تحذير ، وكان كل خوفه
إن السواق يعتبرها شقاوة ولعب عيال،
وعلشان يثبت للسواق إن الأمر خطير .
كان بيجرى فى إتجاه القطر ، فالقطر فعلآ وقف .
نزل السواق والركاب ، وبعد ما ما عرفوا الحكاية .
شالوه وحضنوه وشكروه ، وخدوا عنوانه.
عشرات من الهدايا بعتها ركاب القطر لبيت مجدى ،
وكرمته المصلحة بشهادات إستثمار ورحلة لأسوان،
وكتبت عنه الصحف والمجلات.